• Phone: +919600370671
  • Email: editor@inamtamil.com

ISSN: 2455 - 0531

வாஸந்தியின் நாவலில் மரபு உடைத்தலும் உரிமை பேணலும்

Vasnthi Navalil marapu udaithalum urimai penalum

[ Published On: February 10, 2020 ]

“ஏட்டையும் பெண்கள் தொடுவது தீமையென்

றெண்ணி யிருந்தவர் மாய்ந்து விட்டார்

வீட்டுக்குள்ளே பெண்ணை பூட்டிவைப் போமென்ற

விந்தை மனிதர் தலைக விழ்ந்தார்.”

என்ற பாரதியின் பாடலுக்கேற்ப (பாரதியார் கவிதைகள்: விடுதலைக் கும்மி:ப.202) பெண்கள் சமூக வெளிக்கு வந்தாயிற்று. சுதந்திரம் கிடைத்து விட்டதாக நினைத்து சொந்தக் காலில் நிற்கத் தொடங்கி விட்டனர். பல விதங்களில் பல முன்னேற்றங்களை அடைந்துள்ளனர் ஓரளவு. விழிப்பு உணர்வு பெற்றுள்ளனர் என்று சொல்லலாம். ஆனால் அனைத்து நிலைகளிலும் ஆணுக்கு இனணயான உரிமைகளைப் பெற்றுள்ளனரா? என்ற கேள்விக்கு இன்றுவரை பதில் கிடைக்கவில்லை. கல்வி, சொத்துரிமை ஆகியவற்றில் சட்டபூர்வமாக ஆண்களுக்கு இணையான பல சீர்திருத்தங்கள் முழுமையாகப் பெண்களுக்குப் போய்ச் சேர்ந்துவிட்டதா என்றால் சரியான பதில் இல்லை.பெண்களைப் பற்றிய சிந்தனைகளும் செயல்பாடுகளும் இன்றுவரை தெளிவான புரிதல்களைக் கொண்டிருக்கவில்லை. ஆயினும் பெண்கள் போராடுகிறார்கள். சிந்திக்கிறார்கள். இதில் என்ன சிக்கல் என்றால் நமது சமூகத்தில் பெண்கள் ஒன்று திரண்டு ஒட்டுமொத்தமான பிரச்சனைகளைப் பற்றிப் பேச முன்வருவதில்லை. அவரவர்களுக்குப் பிரச்சனைகள் வரும்போது பேசுகிறார்கள். உலக நாடுகளில் பெண் இயக்கங்களும் போராட்டங்களும் உருவானது போல் இங்கு உருவாகவில்லை. இங்குள்ள சாதி அமைப்புகளும் அவைகளுக்கேற்ப வகுக்கப்பட்ட நெறிமுறைகளும் குடும்பம் என்ற ஒன்றில் உறைந்து வேரூன்றி விட்டது. அதிலிருந்து பெண்கள் மட்டுமல்ல ஆண்களும் வெளிவர முடிவதில்லை. இவற்றை உணர்ந்த சிந்தனையாளர்கள் தங்கள் கருத்துக்களைப் பதிவு செய்துள்ளனர். பெண்ணுக்கான உரிமைகளைப் பற்றி நிறைய நூல்கள் வெளிவந்துள்ளன. அவற்றில் நாவல்கள் தம் பங்குக்கு நிறையத் தொண்டாற்றியுள்ளன.

KEYWORDS

வாஸந்தி, நாவல், மரபு, உடைத்தல், உரிமை பேணல்
  • Volume: 5
  • Issue: 20

Written by

CITATION

No Citation Included

Buy Books Offline