கடந்த நூற்றாண்டில் எளிமையான மனித உள்ளங்களின் இன்றி யமையாத இலக்கியமாகவும் பொழுதுபோக்காகவும் திகழ்ந்து வந்தவை திரைப்பாடல்களாகும். இவை ஒரு நூற்றாண்டின் ஆகப் பெரிய இலக்கியத் தொகுதியாகும் முழுத் தகுதியையும் பெற்றுள்ளவை. நாட்டுப் பாடல்கள் இருந்த இடத்தைத் தக்க வைத்துக் கொண்ட திரைப்பாடல்கள் உள்ளங்களிலும் உதடுகளிலும் மீண்டும் மீண்டும் உலா வந்து கொண்டிருப்பவை யாகும். இருபதாம் நூற்றாண்டின் அரை நூற்றாண்டுக் காலத்திய அரசியலைத் தீர்மானித்த ஆற்றல் பெற்ற இப்பாடல்கள் பொதுமக்களின் மனங்களை விட்டு நீங்கி, தொகுப்புக்குள்ளாகும்போது ‘தீவிர’ இலக்கிய ஆர்வலர்கள் மற்றும் திறனாய் வாளர்களின் கவனத்தைப் பெறும் என நம்பலாம். அவ்வகையில் இவற்றைத் தொகுப்பதாயின், அத்தொகுப்பு முறை எவ்வகையில் அமையலாம் என்னும் ஒரு பொதுவான பார்வையை இக்கட்டுரை முன்வைக்கின்றது.